ആഗ്രഹമേറുന്നു ആശ പെരുക്കുന്നു

രീതിഃപാതിരനേരത്തും
രചനഃVMH വണ്ടൂർ

ആഗ്രഹമേറുന്നു ആശ പെരുക്കുന്നു
ആശ്രയഗേഹം മദീന കാണാൻ
ആദരദേഹം മയങ്ങുന്ന പാവന സുന്ദര  റൗള കൺകണ്ടീടുവാൻ...
അല്ലലുകൾ ചൊല്ലാൻ
അല്ലായ്മകൾ പറയാൻ
ആദിയോനെ കരം നീട്ടുന്നു ഞാൻ..
ആ പുണ്യഭൂമിയിലെത്തീടുവാൻ(2)

നിത്യംസ്വലാത്തുകൾ ഞാനങ്ങിൽ അർപ്പിച്ചു
നഅ്തിൻറെ ശീലുകൾ ഏറെ സമ്മാനിച്ചു(2)
പാപത്തിൻ ഭാണ്ഡങ്ങൾ പേറിയോനെന്നാലും
പാവമെൻ മോഹം പൂവണിയിക്കൂ ഫള്‌ ലാലും..ഒന്ന് വിളിച്ചിടാമോ..യാനബീ ചാരത്ത് ചേർത്തിടാമോ...

ആശിഖുകൾ പലരും റൗളയണഞ്ഞല്ലോ..
ആയിരം പുണ്യസലാമങ്ങിൽ തന്നല്ലോ
പഥികനിന്നും നബിയേ ഹതഭാഗ്യനായല്ലോ
യോഗ്യനല്ലെന്നാലും എന്നെ വിളിക്കാലോ..
ഉദ്ഊനീ യാ നബീനാ
ഉൻളുർനാ യാ ഹബീനാ

നേർക്കുനേർ അങ്ങിൻ തിരുദേഹം ദർശിച്ചില്ലാ
നിനവിലും കനവിൻറെ തീരത്തും വന്നില്ലാ..
അങ്ങയെ കണ്ടവരെപ്പോലും കണ്ടില്ല..
ഇനിയമെൻ ആശപ്പൂവാടാൻ വിധിക്കല്ലാ...
ഖുദ്ബീ അയദീ യാ നബീനാ
ഉംദുദ്നാ യാ നബീനാ
---`--`-----`---`--`-

മുത്ത്നബിയുമായി ബന്ധപ്പെട്ട എല്ലാം കോർത്തിണക്കി മികവോടെ മുന്നോട്ട്..